السلام عليكم ورحمة الله وبركاته
خيتي أماني ....كيفك
أنا بحييكي على مواضيعك اللي عم تكون كلماتها جميله وبنفس الوقت مفيده
أنا تعرفت على المنتدى من إيام
لفتتني كلماتك وشدتني من أول موضوع قرأته
وإنتي أصبحت واحده من القلائل يللي بدور على أسمائهم وبتابع مواضيعهم
على فكره .... حلو كتير الانسان يمضي اسمه مع اسم وطنه
أنا دايما بدخل المنتديات بإسم نور فلسطين
بس ما بعرف ليه هون سجلت بإسمي بس ...حابه كتير أرجع لإسمي الأصلي
نور فلسطين ....ما بعرف إذا بغيرولي إياه ولا ما بقدرو ..بنسأل تالييييين عن هالموضوع
بالنسبه لموضوعك ...كلمات لا تموت ... عنوان الموضوع بحد ذاته مشوق فكيف الموضوع
عجبتي جمل كتيره أهمها
السعادة تكون في ثلاث : أن تقوم بأمر الله ، و أن تقنع بما قسم لك .....وأن ترضى بما قضى
أنا بآمن بربنا متل كل الناس ....وهدا شئ في طبائع الانسان السوي
بس كنت أحب كتير أخطط لحياتي ...وبحب أكتير إني أحصل على اللي بدي إياه
وإذا ماحصل كنت كتيررررررررر أتعب لدرجه إني كنت أقول لحالي فين الغلط أنا فكرت ...خططت
طب ليه صار معي هيك....ليه ما صار اللي بدي إياه
وما لإرتحت الا لما إقتنعت ...انه هاد قضاء الله ...ولازم أقنع فيه وأرضي باللي كتبه ربنا
ومن ساعتها وأنا كتيررررررررررررررررر مرتاحه
على فكره كل الموضوع جميل ومفيد وخصوصا
اصنع المعروف في أهله و في غير أهله ، فإن لم تجد أهله فأنت أهله
أبشع ما في الوجود الخيانة
إذا خدعك أحدهم مرة فهو مجرم ، و لكن إذا خدعك مرتين فإنك أنت المجرم
لولا الأمل في الغد لما عاش المظلوم حتى اليوم
أكيد إختياري للجمل ما كان مجرد إختيار وبس
الحياه بتعلم الانسان أشياء كتير وما بقتنع بالكلمات المكتوبه الا إذا جرب
إن شاء الله يستفيدو الآخرين من تجاربنا ....وما بتمنالهم إنهم يجربو
يسلمو أماني