ما بعرف شو بدي قول غير اني تعبانة كتير .......حاسة انو قلبي رح ينفجر ...... مابدي قول وكرر يلي خبرتك عنه قبل لانك صرتي عارفتي كتير منيح بس مبين انك لهلأ مش فاهمتو ......او مفكرتيني عم بالغ بكلامي........ مش رح قلك ارجعي لانو ما بدياكي ترجعي و اتعلق فيكي اكتر واكتر واكتر واخر شي بتفلي.....و كاني لهلا مش متعلقة فيكي بس بدي قلك يا تالين شغلة وحدة........ انتي قتلتيني الكل عم يقلي عم نحاول نمسك حالنا بس انا مافيي ........انا منهارة و متحطمة ...... بحياتي ما بكيت ع حدا هيك........ كنت مفكرة حالي قوية بس وقت عرفتك اكتشفت انو انا ضعيفة كتير لانو ايا شي عم يصير معك عم يعزبني......ووقت ما تكوني موجودة بموت انا عن جد هلا ميتة .......لانو كل يلي عم يصير حواليي مش عم حس فيه ولا عم يهمني......وكل الكلام يلي عم بسمعو مش عم بسمعو ولا عم بياثر فيي ....... هالمرة مستحيل و بقولا مليون مرة مستحيل اني ارجع بدورة يلي الكل عرفا .......اذا رجعتي رح انبسط بس رح خلي هالفرح هيدا محدود لانو رح بيكون في شي داخلي بيقلي انك رح تتركيني بيوم من الايام......خبرتك قبل ما تفلي وقلتلك ما تتركيني لحالي و كاني كنت حاسة انك رح تفلي وقتا سألتيني اذا كان بني شي ووعدتيني انك رح تضلي معي......بس يمكن كنتي عم تخففي عني مش اكتر......مات كل شعور فيي واتحطمت