قلبي ينزف

بعد ما كنت طفلة و شوف كل شي حلو بحياتي كان كل همي اللعب و هيدا هوي الشي الوحيد يلي بدياه لحتى كون مبسوطة و كان حلمي اني اكبر لحتى سوق سيارة و صير بنت كبيري و افهم كل شي بيصير حواليي بس الصدمة كانت لما كبرت و صرت صبية........تمنيت اني ما كبرت لحتى ما شوف الظالم بينتصر ع المظلوم.........تمنيت اني ما كبرت لحتى ما شوف الحقد بقلوب العالم هوي سلاح بيمتلكوه الناس و بيحاربو فيه بعضون........تمنيت اني ما كبرت لحتى ما شوف الخيانة و الكذب و النفاق و حب المصاري يلي خلت الاخ بيحارب اخوه ........... لما كنت طفلة كانت الدنيي لونين زهر و ابيض بس بعد ما كبرت شفت انو الدنيي ملونة و اللون يلي بياخد مساحة اكبر هوي الاسود بس انا متفائلة بالامل يلي بقلبي انو الدنيي لساتا بخير بس للأسف الناس الطيبة بتموت و بتضل الناس الحقودة بس برجع و بقول انو الدنيي بخير و الا ما يجي يوم و نعيش براحة و امان و صدق و نكون مع الناس يلي منحبون يارب