شعـــــر لبنــــــــــاااني مية بالميــة

جاي عبالي الشمعة اسهر قبالا
الشمعة الي كلا ملياني وفا

لتنور ليالينا بتحرق بحالا
وبتخاف نزعل لو نورا انطفا

------------------------

شربت الخمر كرمال انسى الغرام
فكرت بالي بيرتاح بس اسكر

تاري الخمر بيوعي فينا الألام
والحب بيخطر عبالنا اكتر

------------------------

مارق مرقة طريق شفت البيت العتيق
واتذكرت الماضي كلو والحلم الي اشتقتلو
وسكان البيت الي فلو وتركولي قلبي غريق

-------------------------

النجوم ألك عم ترفع صور
وانتي بعتم الليل عالحكم جاي

ربحتي الاصوات كلها وصرتي القمر
سبحان الله
بتلبقلك هالولاية

فرحو الكواكب فيكي وفرحو البشر
لما شافوكي ع عرش الليل جاي

صارت الناس كلها تحب السهر
وصارت العتمة من نورك امخباية

حتى القمر قرب منك واعتزر
قلك
لو كنت عارف في حلى هيك كنت حطيتك بدالي
من زمان>>>> وقضيت العمر كلو تخباية

جيتي بمنامي لابسي طرحة مزيني
وقربت ليكي يا نسمات الربيع

حسيت حالي طاير عشقان الدني
وبوست خدك قدام الجميع

وهنونا الناس بهاليوم الهني
وقلت أمري حتى الأوامر طيع

وفجأة فقت نقزان مدري شو بني
وصارت براسي تبرم مواضيع

وحبيت حلمي يضل شي مية سني
وعيش الحلم وهموم الكون بيع

وصرت لوحدي األ هالدني
ليش الحلم البشع بضل معنا والحلم الحلو لحظات وبيضيع

زائر

عن جد شعر ولا احلى
وبيعطي احلى الافكار عن الشعر اللبناني اللي بينبض بالحياة

"ليش الحلم البشع بضل معنا والحلم الحلو لحظات وبيضيع"
طلنا اوقات بنسال الدنيي هالسؤال
رغم انوا الجواب سهل
وهو حتى نبقى عم نحس انوا في لحظات فرح بحياتنا
كلام رائع يعجز اللكلام عن وصفوا

زائر

شعر راع نحنا هيك نوع من الاشعار بنلها في الجزائر//بوقالات//

كلمات رائعة مثل العادة

تجد دائما الابداع في التعبير عن الاحساس و المشاعر

برافوووووووووووووووووو