اطول نكته بالعالم.........!!

مرحبا كيفكم جبتلكم نكته ممكن تكون قديمه بس حلوه ان شالله تعجبكم

مره واحد لقى مبلغ صغير من المال قال اشتري فيه كولا ولا اركب بالباص

اذا شريت كولا مش مشكله واذا ركبت بالباص في مشكلتين

يا بوقف يا بقعد اذا وقفت مش مشكله واذا قعدت في مشكلتين

يا بعقد حدا واحد يا بقعد حدا وحده

اذا قعدت حدا واحد مش مشكله واذا قعدت حدا وحده في مشكلتين

يا بحبها يا ما بحبها

اذا ما حبيتها مش مشكله واذا حبيتها في مشكلتين

يا بتزوجها يا ما بتزوجها

اذا ما تزوجتها مش مشكله واذا تزوجتها في مشكلتين

يا منجيب بنت يا منجيب ولد

اذا جبنا بنت مش مشكله واذا جبنا ولد في مشكلتين

يا بضرب ابن الجيران يا ابن الجيران بضربه

اذا ضرب ابن الجيران مش مشكله واذا ضربه ابن الجيران في مشكلتين

يا بروح المستشفى يا ما بروح المستشفى

اذا ما راح المستشفى مش مشكله واذا راح المستشفى في مشكلتين

يا بموت يا بعيش

اذا عاش مش مشكله واذا مات في مشكلتين

يا انا بطلق مرتي يا مرتي بطلقني

فالاحسن الي اني اشتري كولا