ترى بعض الوداع اجمل ..........جديدددددددددد

ماهو جديد إن قلت لك ناسي كثار !

ولاهو جديد ان قلت لك

أنا مااخترتهم !

لكني أنا اخترتك

و أنا ماانتظرتهم !

وياكثر ماانا انتظرتك

بس الجديد ... !

أنا على وصلي ماجبرتهم !

و هالمره انتي مثلهم .. ماجبرتك !!

ماجبرتك !!

ماجبرتك!!

مادامك ناويه فرقاي

ونسيتي كل مواعيدك !

نسيتي مثل شربة ماي

نسيتي عهدك ووعدك !

نسيتي كل شي صار

حلو ياما أنا اعطيتك

وياما قلت بعدك نار

وياما آنا ترجيتك !

وأما اليوم !!

وربي ضاع بك رجواي

حسافه ! ليتني ماكنت

أو اني رحت انا لمثواي

قبل نهدم أمانينا

وننساها حكاوينا

وبعيد نكمل المشوار !

حسافه !

ماتوقعتك .. تبيعين الوفى بتراب!

و توطين ارض الجفى لعتاب !

كذا يقسى علي قلبك؟

وابد !

لا علم ولا أسباب !

على فكره !

هذا قلبك القاسي !

هذا قلبك الغدار ..

هو نفسه اللي كان فاهم احساسي؟!

هو نفسه اللي كان بيوم لقلبي دار؟!

هو قلبك ! جمع ضدين ؟!

وصرتي اليوم تتحدين !

نسيتي وجهي الثاني

تبين آخذ أنا بالثار ؟

تبين احسبلك الزله ؟

وكم مره خفوقك جار ؟

وربي أعرف العبها

وصح الصح ألعبها

لعب تجار !

ولكن ردني طبعي

أنا مااني ردية طبع !

ولاني خاذله ربعي

يومك كنتي كل الربع !

مادام بيوم سكنتي داخل ضلوعي

وجيتك كلي شاريتك انا بطوعي

أنا مااغلط وارد الشين !

ولاألعب على الحبلين !

ومن كثر الذي شفته انا بدربي!

صرت امشي واغمض عين!

وأتغاضى عن الزلات لاصارت من احبابي

لأن كثر العتب مو زين !

وهالدنيا كذا والا كذا بتمشي ولا بتوقف على بابي !

وتنتظرك * ياأعز الناس * لي تردين !

تدرين ؟؟

حرف الطاء _ حرف الألف _ حرف اللام .. انتظاري !

وإذا انتي ناويه فرقاي

أقل خير تسوينه قولي لي: باي!

ولايهمك أحد بالكون

قوليها لي وبقول : تمون!!

وربي عارف صدقي

ووحده بيآخذ بحقي!

وطالبتك أنا الحين

إذا انتي قدها روحي

ولاتقولين لي بعدين

ترا كثرتي لي جروحي !!!

وانا أوعدك لااقفيتي

وعن قلبي تخليتي

أبد مااتبعك ولاأشره

أنا أوعدك ! بأصون النفس وارفعها ولا بأسأل !

وبأنسى الماضي والعشره !

وبروح بدربي واكمل أنا صبري وباتجمل !

و مادامك ناويه فرقاي

ترا بعض الوداع اجمل!!