§®*§[•.*.•]™[منتديات تالين]™[•.*.•]§®*§

عزيزي الزائر يرجي التكرم بتسجيل الدخول اذا كنت عضو معنا
او التسجيل ان لم تكن عضو وترغب بالانضمام لأسرة
منتديات تالين
سنتشرف بتسجيلك
شكرا

مع تحيات الإداره
تالين الزغبي





 
الرئيسيةالبوابةس .و .جبحـثالأعضاءالتسجيلدخول

شاطر | 
 

 كلماتي ما بتشبه اي كلمات....شو صعــــــب .... كلام تالين الزغبي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin
مــديــرة المــنــتــدى تـــــالـــــيـــــن الـــــزغـــــبـــــي
مــديــرة المــنــتــدى تـــــالـــــيـــــن الـــــزغـــــبـــــي
avatar

انثى
عدد الرسائل : 2021
العمر : 30
تالين الزغبي : منتديات تالين
نقاط : 1191
تاريخ التسجيل : 28/07/2008

مُساهمةموضوع: كلماتي ما بتشبه اي كلمات....شو صعــــــب .... كلام تالين الزغبي   الخميس يناير 31, 2013 8:34 pm

عندي كلام كتير نفسي قوله ... ما بعرف اول ما ايدي تلمس الكيبورد لاب توب كيف بلش اكتب بلا ما احس ع حالي كيف بلشت وكيف انتهيت او خلصت ...برمت بهالمنتدى شوي وقريت اشيا كتيرة ما علقت صح ... بس حابة احكي شوي من ياللي بقلبي ...انا تعبانة كتير ومش معنى اني ما بشكي اني مرتاحة ....كلكن بتقوليلي روحي وتعي ورجعي واعملي هيك وسوي هيك ...ما حدن منكن بيعرف انا شو وجعني انا من شو بشكي تعودته انو تشوفو هالبنت بتضحك وبتساعدكن وبتكون معكن بس هل حدن فكر بيوم يسالني انا شو بني او شو بدي...... انا ما بدي استعطف مشاعر حدن عليي ولا بدي حدن يشفق عليي لانو اصلا ما بقبلها ع حالي...
انا قصتي قصة ................ واسمعو هالقصة....
انا بنت متلي متل هالناس بعصب بزعل بفرح ببكي بصرخ بضحك الي ردود افعالي الطبيعة بهالحياة
طبعا كل انسان بطلعلي بنظرة وبالعين ياللي بتريحو وياللي بحب يشوفني فيا ..............
في ناس بتشوف رودو افعالي محتملة.. وفي ناس بتعصب وبتزعل وبتدايق وممكن تقلي يا عمي حلي عنا .
وفي ناس بتحتويني بكل شيء فيني وبتفهمني ع حسب نوعية البني ادم ياللي قدامي.
صعب كتير تعيش بهالدني تحس حالك موجوع من كل شيء من ناس من مرضك من همومك وفوق كل هيدا هموم غيرك...... شو هالقلب ياللي بدو يحمل ويستحمل .!!!

صعب كتير انك تعيش كل الوقت ما الك نفس لا تطلع ولا تنزل ولا تطلع من البيت ومن غرفتك وازا طلعت ما بتلاقي حالك الا رجعت عالبيت لانو زهقت .. صعب كتير انو تجي بدك تسلي حالك متلك متل هالناس وتجي تعقد عالنت ما تقدر تتحمل تقعد نص ساعة ع بعض من كتر ما في وجع بكل مفصل بجسمك... صعب تعيش عمرك وانت عارف انك راح تقضي حياتك كلا عم تتوجع ومطلوب منك تشرب دواااااااااااااااااااااا لاخر يوم بعمرك !!

شو نظرتك انت يا تالين لناس...........في منن كانوا مناح معي لوقت محدد وبالاخر حسو اني ما جيت ع هوهن فاانا فضلت ابعد احسن الي والهن واحترام لكرامتي وكرامتهن !!

وفي ناس بقيت معي حتى بعد كتير خلافات صارت وبعدا شاريتني وبتحبني متل ما انا بعصبيتي وزعلي وسرعة انفعالي..
بدي خبركن شغلة وحطوها حلقة بدينتكن ما في انسان بالدني بحب النكد
وما في انسان بالعالم بتفش ع النكد او بشتري الزعل والمشاكل هي بتجي هيك لحالا بدون سابق انذار .
صعب كتير تقضي حياتك من مستشفى لتاني ومن حكيم لتاني ومن مختبر فحصوصات لتاني.

صعب كتير لمن اتمنى اني ارتبط واتجوز اني اعرف حالي اني قدراتي الجسمانية ما راح تخليني اقدر احمل وخلف بسبب وجع مفاصلي وضهري !!!

صعب كتير انحرم من كتير اشيا بحبا وانا عم اتفرج ع حالي .
صعب كتير انحرم من اشيا كرمال يرضو نااااااااااس وكرمال حقارة ناس ........وانانية ناس!!

صعب تحسو باحساسي لانو ما بشبه اي احساس بهالدني.
ممكن تقراه تتأثرو تنوجعو بكلامي بس لفترة محددة بس صعب حدن يعرف عمق هالكلام وجعو ومقدره احساسي فيه ودموعي عم ينزلو وعم ببكي بكتاباتي وانا عم اكتب ئدي انااااااااا !!!

صعب تحب وتلاقي ياللي بحبك مش قادر يعملك شيء ...وابسط حقوقي متلي متل اي بنت انو يرتبط فيني ...!!

قالولي ناس ما تكتبي بالمنتدى كرمال ناس ما تشفق عليكي وخبي اسرارك عندك وانا بقول لمن فتحت باب هالمنتدى فتحتو كرمال طلع كل شيء بقلبي لانو صفحات هيدا المنتدى هي الوحيدة بهالدني ياللي بتفهمني وبتحس فيني وبتقلي اكتبي وطلعي كل شيء بقلبك بدون لا خجل ولا عيب ولا ممنوع وبدون سابق انذار وبلاقي مساحة من الحرية ياللي ما بلاقيها بأي مكان تاني غير هوووون ....

هون بحس حالي عم لقي حالي بكتب باحساس وبقلب كبير وصادق كتير ....

وجعي جسمي اكتر شيء مأثر ع حياتي ونفسيتي ... غبت هيدي الفترةة كرمال اني كنت تعبانة كتير مشان هيك ما فتت المنتدى صار فيني كتير اشيا وجع بجسمي وحموضة لازمتني يومين
وحسيت قلبي بدو يوقف ومشاكل كتير وكلو فوق راسي عم فكر فيهن لدرجة اني ما كنت نام صار ليلي نهاري نهاري ليل ........
كلماتي ما بتشبه اي كلمات ..............لهيك عم اكتب ياللي بقلبي .....

انتو بتطلبوني بمطالب كتيرة ع عيني .. بس انااااااااااااااااااااا شو طلبت منكن ولا شيء.....

لمن بغيب كم حدن بسال ... كم شخص زمان كان يسال؟ لانو كانت تالين اختصاصي اجتماعية للكل كانوا الكل اول ما تغيب يجنو ياللي بالفيس وكلن يسالو عني لمن الله هد حيلي ومرضك وبطلت اقدر اكون معكن متل زمان كل واحد طار بجهة وبطلتو تهتمو فيني متل زمان .......
ياللي بطالب الناس بالاهتمام فيهن. لازم وهوي بمقابل يقدم نفس الشيء قدمولي. كرمال اقدر اقدملكن وانا مش عم اطلب منكن تقدمولي حياتكن او عمركن او تعطوني مصاري عالاقل شوية احترام واهتمام من قلوب صادقة بتحب

وياللي بقول انو الفيس ما فيو مصلحة امبلا فيو كتير

فيكي تقدمي اهتمامك عطفك طيبتك حنيتك واجمل ما عندك لناس ما بتستاهل ينقلها مرحبا ...

وفي ناس بتضحك ع ناس وفي ناس بتلعب ع ناس هيدا العالمممممم ياللي شايفنو عالم النت شبكة عنكبوتية بتعرفو ليش سموها هيك لانو متل العنكبوت بتنط من شبكة لشبكة ومن واحد لتاني ومن صديق لتاني وبترسم عليه خيطوووووووووو ممكن يقدر يفلت منا وممكن يضل مسجون كل حياتو جواته هيدي منا فلسفة هيدا رايي وانا هيك بشوف الاشيا قدامي..........

انا بقدم بدون مقايل وانا ما بتصنع الطيبة والاخلاق والمحبة وزوء انا هيك فعلا ياللي عرفني هيك وتقبلني هيك وحبني هيك بكون كسبتي وياللي ما عجبتو هيك او شاف فيني عصبيتي واندفعي ما بنسبو وما بعجبو بقلو سوري من اول ما خلقت ع هالدني وانا هيك وما راح اجي باخر عمري غير بحالي لانو للأسف ما بعرف غير بحالي شيء خصوصا بطباعي ....

اكتر شيء بكرها بحالي التعصيب واني بعيط .. بس بعد ما رجت ع المختبر وطلعت نتيحة فحصوصاتي تأكدت انو سبب تعصيبي غير ارادي نتيجة نقص ال بي توليف ونتيحة مرضي لوبوبس .... صعب كتير ناس تفهم هالحكي وتتقبلو وتتحملني متل ماانا وكتر ناس بتتركني كرمال هيدي الاشيا بس صدقوني هيدي انا وماراح اتغير ولا كرمال اي حدن لانو ما في حدن بستاهل . وما في حدن يستاهل انضحي كرمالو هالئدددددددددد ..... كلو بفكر بحالو وكلو مفكر حالو صح وما بغلط

انا انسانة نصي اغلاط وبعترف ..... بغلط وبعمل اشيا صح

بنهاية انا انســـــــــــــــــــانة بكل ما تحمل الكلمة من معنى

انا انسانة بحس وبشعر متلي متل غيري ويمكن اكتر كمان .........................



كلماتي ما بتشبه اي كلمااااااااااااااااااااااات



كلمات تالين الزغبي ..............فشت خلق مع شوية فضفضةةةةةةة من وجع جسمي وجع هالدني وتعبي النفسي ................ تحياتي



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taline-alzogby.yoo7.com
فائز الزغبي
vip
vip
avatar

ذكر
عدد الرسائل : 1219
العمر : 45
تالين الزغبي : أعز و أغلى صديقة مميزة و اكتر من صديقة و أحلى رفيقة كمان و انا بحبها كتيييييير
نقاط : 2162
تاريخ التسجيل : 19/07/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   الجمعة فبراير 01, 2013 6:16 am

تالين بدياكي تعرفي انو الي ئلتيه من كلمات و احساس صادق انا مجربو و حاسس فيه لاني عايشو لحد هلا بأختلاف بسيط انو انتي عندك مرض لوبوبس الله يشافيكي و يعافيكي منو يا رب و انا معوق منذ ولاده على كرسي مدولب و بدياكي كمان تعرفي ليه اخترتك من دون كل صبايا عالم و حبيتك من كل قلبي لانك صادقة بكل شي بأحساسك و تعاملك مع ناس لهيك انا باقي معك و مارح اتركك ولا اسغني عنك بنووووووووووووووب لآخر يوم بعمري لانك ملاكي و اغلى حب عرفتو بحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taline-alzogby.yoo7.com/forum
med009
vip
vip
avatar

ذكر
عدد الرسائل : 549
العمر : 52
تالين الزغبي : تالين الزغبي عنوان الابداع و التميز
نقاط : 759
تاريخ التسجيل : 11/05/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   الجمعة فبراير 01, 2013 11:00 am

[
تالين ماذا اكتب اليك
فلن يشعر بما تشعرين و تحسين الا انتي
فقط اكتب كلمه واحده
انني معك و ساظل معك الي الابد
تحياتي اختي العزيزة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aicha karam
vip
vip
avatar

انثى
عدد الرسائل : 475
العمر : 29
تالين الزغبي : احلى و اجمل بنت بالكون اتشرف بصداقتك
نقاط : 610
تاريخ التسجيل : 11/09/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   السبت فبراير 02, 2013 6:17 am

سلامتكـ الف سلامة تانو ربي يشفيكي ويعافيكي وتعيشي اسعد حياة يااااااااااا رب
بس بدي قول شغلة انو نحنا لما طلبنا منكـ ترجعي هاد من حبنا الكبير الكـ مو عشانا نحنا مش انانية منا لانو نحنا لو عاوزين نتسلى في مليار حاجة ع النت تسلينا بس حبنا ليكي وخوفنا عليكي هو لي خلانا نطلب انكـ ترجعي نحنا ما بدنا لا راديو ولا شي بدنا ياكي انت تكوني مرتاحة وفكرنا انو رجوعكـ ع الفايس بيعدكـ عن الوحدة هاد تفكينا وبعيد وبكرر فكرنا بشيء من حبنا الكـ هالشي صح او غلط ما بعرف المهم هلئ صحتكـ وسلامتكـ
...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Heba Nz
vip
vip
avatar

انثى
عدد الرسائل : 690
العمر : 25
تالين الزغبي : اطيب قلب
نقاط : 1090
تاريخ التسجيل : 21/06/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   السبت فبراير 02, 2013 6:41 am


معنديش كلام اقولوا غير سلامتك هيا دلوقتى بالدنيا كلها
وعلى موضوع الراديو عيوش قالت كل اللى على بالى

سلاااااامتك يارب يسعدك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فائز الزغبي
vip
vip
avatar

ذكر
عدد الرسائل : 1219
العمر : 45
تالين الزغبي : أعز و أغلى صديقة مميزة و اكتر من صديقة و أحلى رفيقة كمان و انا بحبها كتيييييير
نقاط : 2162
تاريخ التسجيل : 19/07/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   السبت فبراير 02, 2013 8:42 am

اي والله عيووش انا معكي بهيدا كلام و المهم هلا عندنا صحتها و سلامتها بالدنيي كلهااااااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taline-alzogby.yoo7.com/forum
lamis al zoghbi
vip
vip
avatar

انثى
عدد الرسائل : 1743
العمر : 34
تالين الزغبي : أعز صديقة مميزة و اكتر من صديقة و أحلى رفيقة كمان و انا بحبها كتيييييير
نقاط : 2898
تاريخ التسجيل : 31/07/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   السبت فبراير 02, 2013 11:30 am

و الله يا تالين كلامك مزبوط و كل كلمة قلتيها اثرت فيي كتير ة دمعو عيوني كتير بتمنى انو يخف وجعك و و على طول بدعيلك و قلتا و برجع قولا انا راح ظلني معك لا اخر يوم بعمري و مش راح بعد عنك مهما صار تعرفي كتير منيح اني بتحمل كل طباعك و انا قابلة فيكي هيك بكل طباعك أكيد انو ما حدى بيقدر بيغير بطباعو و بحكيك هاد الصادق و باحساسك لازم تعرفي اني مش تاركتك لا موت ... انا على طول بدعيلك الله يخفف وجعك ويبعد عنك كل المرض و يعطيكي راحة البال تأكدي اني معك لا آخر يوم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فائز الزغبي
vip
vip
avatar

ذكر
عدد الرسائل : 1219
العمر : 45
تالين الزغبي : أعز و أغلى صديقة مميزة و اكتر من صديقة و أحلى رفيقة كمان و انا بحبها كتيييييير
نقاط : 2162
تاريخ التسجيل : 19/07/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   السبت فبراير 02, 2013 3:21 pm

أمين و من تمك لأبواب السما يارب نسرييييييييييييييييييينو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taline-alzogby.yoo7.com/forum
lamis al zoghbi
vip
vip
avatar

انثى
عدد الرسائل : 1743
العمر : 34
تالين الزغبي : أعز صديقة مميزة و اكتر من صديقة و أحلى رفيقة كمان و انا بحبها كتيييييير
نقاط : 2898
تاريخ التسجيل : 31/07/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   الأحد فبراير 03, 2013 4:13 pm

يا ريت لو كل الناس بططيبة قلبك و حنيتك و اخلاقك و الله العظيم بحياتي ما شفت و لا رح شوف بنت متلك حساسة كتير لأبعد الحدود انا بقلك يا غالية على قلبي بحبك بكل حلاتك بحبك يا رفيقة عمري و مستحييييييييييييييييييييييييييييييييييييل اني افكر اتركك و لا يوم الله يحميكي يا رب و يحفظك من كل شر يا رب خفف اوجاعها و مرضها يا رب لا رفقها بحنانك و رحمتك يا رب احميها من كل ما هوي شر الها يا رب قويها و ريح بالها و هدي سرها يا رب العالمين ........... ما الي الا بدعيلك يا اغلى من روحي علي
وردة وردة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فائز الزغبي
vip
vip
avatar

ذكر
عدد الرسائل : 1219
العمر : 45
تالين الزغبي : أعز و أغلى صديقة مميزة و اكتر من صديقة و أحلى رفيقة كمان و انا بحبها كتيييييير
نقاط : 2162
تاريخ التسجيل : 19/07/2010

مُساهمةموضوع: رد: كلماتي ما بتشبه اي كلمات....شو صعــــــب .... كلام تالين الزغبي   الأحد فبراير 03, 2013 4:58 pm

اي والله صدئتي بكل حرف و كلمة ئلتيها نسريييييييييييييييييييييييييينو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://taline-alzogby.yoo7.com/forum
 
كلماتي ما بتشبه اي كلمات....شو صعــــــب .... كلام تالين الزغبي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
§®*§[•.*.•]™[منتديات تالين]™[•.*.•]§®*§ :: ][[ ‡§‡ ]][منتـ الــــعــــامــــة ـديات][[ ‡ §‡ ]][ :: قســم اشــــكي همـــــــــــــك وفش خلقك والحل عنا اكيـــد-
انتقل الى: