§®*§[•.*.•]™[منتديات تالين]™[•.*.•]§®*§

عزيزي الزائر يرجي التكرم بتسجيل الدخول اذا كنت عضو معنا
او التسجيل ان لم تكن عضو وترغب بالانضمام لأسرة
منتديات تالين
سنتشرف بتسجيلك
شكرا

مع تحيات الإداره
تالين الزغبي





 
الرئيسيةالبوابةس .و .جبحـثالأعضاءالتسجيلدخول

شاطر | 
 

 محادثه شعريه بين بنت وولد

اذهب الى الأسفل 
كاتب الموضوعرسالة
زائر
زائر



مُساهمةموضوع: محادثه شعريه بين بنت وولد   الإثنين يناير 12, 2009 7:09 am


محادثه شعريه بين بنت وولد!!


البارحه جاني من الحب مرسال .
‏ من بعد مابيني وبينه خصيمه¤

وأنا ترى بالحب مانيب فعال.
ولا بعد ولع بقلبي هشيمه¤

ولا بعد غنيت في ساعة وصال.
ولا بعد ذقت الفراق وجحيمه¤

ولابعد جرى دمعي على الخد همال.
ولابعد جربت مر الهزيمه¤

حتى وردني تالي الليل جوال.
وأنا على شاهي وبسكوت ديمه¤

الرقم بايخ لاكن الصوت قتال.
كنه مثل صوت المذيعه حليمه¤

قالت مساء الخير ياطيب الفال.
قلت أرحبي ترحيبتآ مستديمه¤

بالعود والصفري ودله وفنجال.
واجبك يابنت الأصول الكريمه¤

ردت بضحكه ثم قالت ويش الحال.
قلت أشهد أن الحال عقبك سقيمه¤

قالت وهي تضحك بعد مثل الأطفال.
وأنا بعد كني بدونك يتيمه¤

من يوم قالتها ترلزلت زلزال.
من فجعتي كني مسوي جريمه¤

قلت أرفعي صوتك ترى مابه أرسال.
كذاب لاكن المصيبه عظيمه¤

قالت أقول أسمع ترى هرجنا طال.
ممكن تصاحبني تراني وسيمه¤

واسمي الحقيقه أول حروفه الدال.
لكن يسموني البنات الزعيمه¤

صحيح أحب الفخفخه وأعشق المال.
لكن تراني طاهره مستقيمه¤

ماعندي مغازل ولالعب بهبال.
ماعندي إلا في الشرف والحشيمه¤

بس الصراحه قلبي لشوفتك مال.
وأصبحت وحدك جالسآ في صميمه¤

فكر بعقلك وأترك القيل والقال.
واحذر تطيع أهل القلوب العقيمه¤

وأرسل علي الحين خمسمية ريال.
أشحن بها جوال أختي نعيمه¤

أوطقم غالي فيه خاتم وسلسال.
أروح به في عرس ولا عزيمه¤

قلت الحقيقه مانيب رجال أعمال.
ولاني بتاجر والموارد عديمه¤

أنا الصراحه شبه عطال بطال.
وعلاقتي بالفقر جدآ حميمه¤

والراتب الله يرحم الحال مازال.
محدود والمصروف ربي عليمه¤

والدين بالآلاف والبنك شغال.
ياكل فلوسي بالربا والظليمه¤

والسوق طايح والغلا ضيق البال.
والموت والله صاير أكبر غنيمه¤

قالت تحمل بس والحمل ينشال.
خلك شديد الباس صلب العزيمه¤

ياخي تصرف جعلك تصير نشال.
أهم شي أن النوايا سليمه¤

لابد تفهمني على كل الأحوال.
مادمت من أهل العقول الفهيمه¤

قلت أيه والله فاهم اللي على البال.
لكن ترى هذي علينا قديمه¤

يابنت هذا صاير اليوم موال.
للي تبي تلعب على ابن اللئيمه¤

يابنت ماتدرين كم فيه محتال .
يلعب على الحبلين وأنتي غشيمه¤

يابنت كم من جاهله دمعها سال.
‏ من عقب ماجات العواقب وخيمه¤

والبنت لا أقفى عرضها بيد الأنذال.
والله مايبقى لها أي قيمه¤

قالت تبي ولا فخلك رجال.
مهوب ناقصني نصايح حكيمه¤

عز الله أنك للأسف ما أنت رجال.
وأنك قليل الذوق مافيك شيمه¤

يالعنبو اللي مايسطرك بنعال.
حتى يعلمك الغزل يابهيمه¤

‏(تفو)عليك وصكت الخط بالحال.
مدري (تفو) هي مدح ولاشتيمه



الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: محادثه شعريه بين بنت وولد   الثلاثاء يناير 13, 2009 6:31 am

شكرا نور فلسطين
يعطيكي العافية
الرجوع الى أعلى الصفحة اذهب الى الأسفل
 
محادثه شعريه بين بنت وولد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
§®*§[•.*.•]™[منتديات تالين]™[•.*.•]§®*§ :: ][[ ‡§‡ ]][منتـ تالين الادبية ـديات][[ ‡ §‡ ]][ :: همس القوافي-
انتقل الى: